ہوم / بین الاقوامی / ’’پی سی بی جواب دو‘‘ ، پی ایس ایل 5 کی افتتاحی تقریب کا ٹھیکہ بھارتیوں کو کیوں دیا؟ سوشل میڈیا پر ٹاپ ٹرینڈ بن گیا

’’پی سی بی جواب دو‘‘ ، پی ایس ایل 5 کی افتتاحی تقریب کا ٹھیکہ بھارتیوں کو کیوں دیا؟ سوشل میڈیا پر ٹاپ ٹرینڈ بن گیا

پاکستان سپر لیگ کے پانچویں ایڈیشن کی مایوس کن افتتاحی تقریب کی گونج ابھی تک سنائی دے رہی ہے اور  اب ٹوئٹر پر ’’پی سی بی جواب دو‘‘  ٹاپ ٹرینڈ بن گیا ہے۔

چلیں جانتے ہیں کہ ٹوئٹر پر پاکستان کرکٹ بورڈ کے حوالے سے ’’پی سی بی جواب دو‘‘ ٹاپ ٹرینڈ ٹرینڈ کیوں کر رہا ہے؟

20 فروری کو پاکستان سُپر لیگ کے پانچویں ایڈیشن کی افتتاحی تقریب نیشنل اسٹیڈیم میں منعقد کی گئی تھی جس کے بعد مداح بے حد مایوس ہوئے تھے۔

بعد ازاں تقریب کے حوالے سے سوشل میڈیا پر ایک بحث چھڑ گئی تھی جس میں کسی نے میزبان علی گوڈیل کو تنقید کا نشانہ بنایا تو کسی نے تقریب کی بد انتظامی پر سوالات اٹھائے۔

سوشل میڈیا پر یہ بات سامنے آئی کہ پی ایس ایل 5 کے اس اہم ترین دن یعنی افتتاحی تقریب کی ذمہ داری بھارتی ڈائریکٹر اور پلانر کو دی گئی تھی۔ اس بات کے سامنے آتے ہی سوشل میڈیا صارفین آگ بگولا ہوگئے تھے۔ اب حال ہی میں میزبان وقار ذکا کی جانب سے ایک ویڈیو شیئر کی گئی جس میں انہوں نے حیران کُن انکشاف کرتے ہوئے بتایا کہ افتتاحی تقریب کی انتظامیہ کے لیے 130 بھارتیوں کو رکھا گیا تھا۔

وقار ذکا نے اپنی ویڈیو میں ایک فہرست دکھائی جس میں پی ایس ایل 5 کی افتتاحی تقریب کی انتظامیہ میں 130 سے زائد بھارتیوں کے نام تھے، وقار نے حکومتِ پاکستان سے سوال کیا کہ اس فہرست کو دیکھیں اور بتائیں جہاں پاکستان میں نوکریاں نہیں ہیں لوگوں کے پاس کھانے کو نہیں ہے ایسے میں یہ تمام لوگ پاکستان کیوں آئے؟

وقار ذکا نے اپنی ویڈیو میں کہا کہ کشمیر کا واقعہ کیا بھول گئے؟ کشمیر کے لیے آواز اٹھانا چھوڑ دی؟ اپنے ملک والوں کو کام دینا چھوڑ دیا۔

ویڈیو میں وقار نے کہا کہ بھارت میں ہمارے فنکاروں کو دھکے مار کر نکالا گیا ان کے ساتھ برا سلوک کیا جاتا ہے۔ انہوں نے کہا کہ آپ خود سوچیں کہ کیا کوئی بھارتی کبھی بھی یہ چاہے گا کہ پاکستان کا کوئی اتنا بڑا ایونٹ مقبول ہو۔

وقار ذکا نے اپنی ویڈیو میں کہا کہ اگر یہ پاکستانی ایونٹ تھا تو اس میں 100 فیصد پاکستانیوں کو کام دینا چاہیے تھا۔ وقار ذکا کی اس ویڈیو کے بعد ٹوئٹر پر ہیش ٹیگ پی سی بی جواب دو ٹرینڈ کرنے لگا اور تقریباً 5 ہزار سے زائد صارفین کی جانب سے اس معاملے پر ٹوئٹ کیے جا چکے ہیں۔ تاہم اس معاملے کے حوالے سے پاکستان کرکٹ بورڈ (پی سی بی)  کی جانب سے کوئی ردِ عمل سامنے نہیں آیا ہے۔

’’پی سی بی جواب دو‘‘ ٹاپ ٹرینڈ کے چند ٹوئٹس

احتشام چوہدری نے فہرست کی تصویر شئیر کرتے ہوئے لکھا کہ ’130سے زائد  بھارتیوں کو پاکستان کا اتنا اہم ایونٹ دیا گیا، کیا پاکستانی افتتاحی تقریب نہیں کروا سکتے تھے؟ ہمارے ملک میں یہ کیا ہو رہا ہے‘۔

ایک صارف نے لکھا کہ ’لائن آف کنٹرول کی خلاف ورزیاں، سنیما پر پابندی، کرکٹ ٹیم پر پابندی، دہشت گردی، اس کے باوجود بھی پی سی بی نے 132 بھارتیوں کو  ذمہ داری دی، یہ ناقابل قبول ہے، قوم کو اس شرمناک حرکت کا جواب چاہیئے‘۔

علی شیر خواجہ نے پی سی بی کے سربراہ احسان مانی سے استعفیٰ دینے کا مطالبہ بھی کیا۔

یہ بھی چیک کریں

کراچی کنگز کے بلے باز رضوان اپنی فرنجائز کے فیصلوں سے مطمئن نہیں

پاکستان کرکٹ ٹیم کے وکٹ کیپر بیٹسمین محمد رضوان نے پاکستان سپر لیگ میں اپنی …

کورونا وائرس کا خوف: پی ایس ایل میچز کے شیڈول میں تبدیلی کر دی گئی

پاکستان کرکٹ بورڈ نے پاکستان سپر لیگ (پی ایس ایل) 2020 کے شیڈول میں تبدیلی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے