ہوم / بین الاقوامی / ارب پتی تاجر مائیکل بلوم برگ امریکہ کے صدر بننا چاہتے ہیں

ارب پتی تاجر مائیکل بلوم برگ امریکہ کے صدر بننا چاہتے ہیں

77 سالہ امریکہ کے ارب پتی تاجر مائیکل بلوم برگ امریکہ کے صدارتی انتخابات میں ڈیموکریٹ پارٹی کے امیدوار بننے کی کوشش کر رہے ہیں۔بلومبرگ کے ایڈوائزر کہتے ہیں کہ مائیکل سمجھتے ہیں 2020 کے انتخابات کیلئے ڈیموکریٹس کے پاس ڈونلڈ ٹرمپ کا مقابلہ کرنے کیلئے فی الحال کوئی تگڑا امیدوار نہیں ہے۔ ڈیموکریٹ پارٹی کو اس وقت تک 17 امیدواروں نے اپنے کاغذات جمع کروا دیئے ہیں۔سابق امریکی نائب صدر جو بائیڈن، میساچوٹس سے سینیٹر ایلزبتھ ویرن اور ورمونٹ سے سینیٹر برنی سینڈرز بھی صدارتی دوڑ میں شامل ہیں۔ تجزیہ کار سمجھتے ہیں کہ مس ویرن اور مسٹر سینڈرز میں سے اگر کوئی بھی ڈونلڈ ٹرمپ کے مقابل آیا تو ڈیموکریٹ پارٹی یہ الیکشن ہار جائے گی۔ ری پبلکن پارٹی میں بھی تین امیدوار ڈونلڈ ٹرمپ کی جگہ لینے کیلئے کمر کس رہے ہیں۔ مائیکل بلوم برگ اب تک ڈیموکریٹ پارٹی میں امریکی صدارتی دوڑ کے سب سے زیادہ طاقتور امیدوار کے طور پر سامنے آئے ہیں۔ وہ تین بار مسلسل نیویارک کے میئر رہے۔ ان کی دولت کا تخمینہ 52 ارب ڈالر لگایا گیا ہے جو دونلڈ ٹرمپ کے مقابلے میں 17 گنا زیادہ ہے۔ بلوم برگ وال اسٹریٹ کے سابق بینکر ہیں۔ انہوں نے اپنے نام سے ایک پبلشنگ ایمپائر قائم کی ہے۔

یہ بھی چیک کریں

آسٹریلیا کے جنگلات تاریخ کی بدترین آگ کی لپیٹ میں

آسٹریلیا کی مشرقی ساحلی پٹی اور سڈنی کے مضافات کا علاقہ تاریخ کی بدترین آگ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے