ہوم / بین الاقوامی / دنیا میں کورونا وائرس کے کیسز کی تعداد ایک کروڑ سے بڑھ گئی

دنیا میں کورونا وائرس کے کیسز کی تعداد ایک کروڑ سے بڑھ گئی

دنیا بھر میں کورونا وائرس سے متاثرہ افراد کی تعداد ایک کروڑ سے زائد  ہوگئی ہے اور  5 لاکھ افراد اس مہلک وبا کی وجہ سے ہلاک ہو چکے ہیں۔

گزشتہ ہفتے عالمی ادارہ صحت (ڈبلیو ایچ او) نے خبردار کیا تھا کہ آئندہ ہفتے تک دنیا بھر میں کورونا وائرس سے متاثرہ افراد کی تعداد ایک کروڑ تک پہنچ سکتی ہے۔

 عالمی ادارہ صحت کے مطابق کورونا وائرس کے مجموعی کیسوں میں آدھی تعداد دو براعظموں شمالی اور جنوبی امریکا میں سامنے آئی ہے۔

کورونا سے سب سے زیادہ متاثر ہونے والے ملک امریکا میں وائرس سے ہلاک افراد کی تعداد ایک لاکھ 20 ہزار سے بھی تجاوز کر گئی ہے  ہے  اور مریضوں کی تعداد 26 لاکھ کے قریب پہنچ گئی۔ 

امریکا کے بعد کورونا سے سب سے زیادہ متاثر ہونے والا ملک برازیل ہے جہاں  مریضوں کی تعداد 13 لاکھ سے زائد جب کہ ہلاکتوں کی تعداد 57 ہزار سے زائد ہو چکی ہے۔ 

 روس 6 لاکھ سے زائد کیسز اور  9 ہزار کے قریب ہلاکتوں کی وجہ سے تیسرے نمبر  جب کہ بھارت 5 لاکھ سے زائد کیسز اور 16 ہزار اموات کے ساتھ چوتھے نمبر پر ہے۔

برطانیہ میں بھی کورونا وائرس سے 43 ہزار سے زائد مریض انتقال کرچکے ہیں جب کہ متاثرہ افراد کی تعداد 3 لاکھ 10 ہزار سے زائد ہے۔

یاد رہے کہ جہاں کورونا وائرس کے کیسز میں تیزی سے اضافہ ہو رہا ہے وہیں اس مہلک وائرس کو شکست دے کر صحت یاب ہونے والے مریضوں کی تعداد بھی  54 لاکھ بڑھ گئی ہے۔

یہ بھی چیک کریں

مزدور طبقے کے تحفظ کے لیے مل کر اقدامات کرنا ہوں گے، وزیراعظم

وزیر اعظم عمران خان کا کہنا ہے کہ کوورنا وبا کے دوران لاک ڈاؤن سے …

کورونا وائرس ویکسین کی تیاری کہاں تک پہنچ گئی؟

چین کی سائنوواک بائیوٹیک دنیا کی پہلی کمپنی بن گئی ہے جس نے کورونا وائرس …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے