ہوم / بین الاقوامی / اب تک کوئی حاجی کورونا سے متاثر نہیں ہوا: سعودی وزارت صحت

اب تک کوئی حاجی کورونا سے متاثر نہیں ہوا: سعودی وزارت صحت

ریاض: سعودی وزارت صحت کے مطابق کسی بھی عازم حج میں کورونا وائرس کی تصدیق نہیں ہوئی اور اب تک کوئی بھی حاجی کورونا سے متاثر نہیں پایا گیا۔

سعودی وزارت صحت کے ترجمان کے مطابق حکومتی حاجیوں کو صحت کی تمام سہولیات فراہم کررہی ہے جس کے تحت مقدس مقامات پر 6 اسپتال، 51 کلینکس، 200 ایمبولینس، 62 فیلڈ ٹیمیں، فیلڈ اسپتال اور موبائل کلینک سمیت حاجیوں کی رہائش گاہوں پر 3 کلینک بھی قائم کیے گئے ہیں۔

ترجمان نے بتایا کہ ارکان حج کی ادائیگی کے دوران حاجیوں کو کسی بھی قسم کی فوری طبی امداد اور ان کی صحت کی بہتری کے لیے ہر 50 حاجیوں کے گروپ کے ساتھ ایک طبی ورکر بھی مقرر کیا گیا ہے۔

دوسری جانب گورنر مکہ کا کہنا ہےکہ اس سال محدود حج کے باوجود مختلف محکموں کے 40 ہزار اہلکار عازمین کی خدمت پر مامور ہیں جب کہ حج وعمرہ زائرین کے لیے خصوصی ائیر پورٹ کا منصوبہ زیرغور ہے، خصوصی ائیرپورٹ مکہ مکرمہ کے الفیصلیہ محلے میں قائم کیا جائے گا جو میدان عرفات سے قریب ہوگا۔

حج کے دوران شیطان کو کنکریاں مارنے کا رکن زمینی اور تیسری منزل سے کرائی جائے گی اور دونوں منزلوں پر شیطان کو کنکریاں مارنے کے انتظامات مکمل کرلیے گئے ہیں، حاجیوں کو رہائش سے جمرات کے پل لانے کے لیے گالف گاڑیوں کا انتظام کیا گیا ہے جب کہ جمرات کی رمی کے وقت سماجی فاصلہ برقرار رکھنے کے لیے علامتیں چسپاں کی گئی ہیں۔

اس کے علاوہ موسم خوشگوار بنانے  اور سڑکوں کا درجہ حرارت کم کرنے کے لیے پھوار کا انتظام بھی کیا گیا ہے۔

یہ بھی چیک کریں

آرمی چیف سعودی عرب کا دورہ کریں گے، ڈی جی آئی ایس پی آر

آرمی چیف جنرل قمرجاوید باجوہ 16 اگست کو سعودی عرب کا دورہ کریں گے جس …

عائزہ خان نے گزشتہ برس حج کی خوبصورت یادیں شیئر کردیں

کراچی: اداکارہ عائزہ خان نے حج کے پرنور موقع پر گزشتہ برس کی خوبصورت یادیں شیئر …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے