ہوم / تازہ ترین / ایک آدھ سیریز ہار گئے تو کونسا طوفان آ گیا، محمد وسیم رکن سلیکشن کمیٹی

ایک آدھ سیریز ہار گئے تو کونسا طوفان آ گیا، محمد وسیم رکن سلیکشن کمیٹی

کپتان سرفراز کو ہٹائے جانے اور مصباح الحق کو ہیڈ کوچ، چیف سلیکٹر بنانے کے بعد پاکستان کی کرکٹ ٹیم مسلسل شکست کھا رہی ہے۔ اپنے دورہ آسٹریلیا میں کرکٹ ٹیم اپنا ایک ٹیسٹ میچ ہار چکی ہے جبکہ دوسرا ہارنے کے قریب پہنچ گئی ہے۔ ایسے میں کرکٹ ٹیم سلیکٹ کرنے والی کمیٹی کے رکن سابق کرکٹر محمد وسیم کہتے ہیں کہ ایک یا دو سیریز کی شکست سے ٹیم منیجمنٹ کی قابلیت پر فیصلہ کرنا مناسب نہیں ہے۔ سلیکشن کمیٹی نے نوجوان کھلاڑیوں کو موقع دیا اور ان کی کارکردگی بھی بہتر ہے گو کہ آسٹریلیا بھیجی جانے والی ٹیم ناتجربہ کار ہے لیکن ہمارے پاس آپشن محدود ہیں۔ انہوں نے کہا کہ دنیا کی کسی بھی کرکٹ ٹیم کا آسٹریلیا کو اس کی ہوم گراوٗنڈ میں ہرانا ہمیشہ مشکل ہوتا ہے۔ اس دورے کی بنیاد اور ٹیم کی شکست پر سلیکشن کمیٹی کی نااہلی کا تاثر قائم کرنا کسی طرح بھی درست نہیں۔ کرکٹ ٹیم کے موجودہ کپتان اظہر علی اور سابق کپتان سرفراز احمد کی پرفارمنس کا مقابلہ کسی طور درست نہیں ہے۔ ٹیم میں اصل مسئلہ باوٗلنگ کا ہے اور باوٗلرز کی پرفارمنس پر سلیکشن کمیٹی کو تشویش ہے۔

یہ بھی چیک کریں

ٹرمپ نے میکسیکو کے ڈرگز مافیاز کو دہشت گرد قرار دینے کا فیصلہ موٗخر کر دیا

امریکی صدر ڈونلڈ ٹرمپ نے میکسیکو کے ڈرگز مافیاز کو دہشت گرد قرار دینے سے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے