ہوم / کھیل / انضمام الحق نے اپنے خلاف سازش کی فائلز کھول دیں

انضمام الحق نے اپنے خلاف سازش کی فائلز کھول دیں

انضمام الحق نے اپنی کپتانی کے خلاف بڑی سازش کی پرانی فائلز کھول دیں۔

پاکستان کے سابق کپتان انضمام الحق نے اپنے یوٹیوب چینل پر انکشاف کیا کہ کچھ پلیئرز نے انھیں 2005 میں قیادت سے ہٹانے کیلے سازش رچائی تھی، انھوں نے کہا کہ مجھے اس ٹور میں کمزور ترین ٹیم کا ساتھ حاصل رہا کیونکہ کچھ اہم پلیئرز نے جانے سے انکار کردیا تھا، ان کا خیال تھا کہ اس  سیریز میں ناکامی پر مجھے کپتانی سے ہٹا دیا جائے گا اور انھیں ذمہ داری سنبھالنے کا موقع میسر آجائے گا۔

انضمام الحق نے اسی ٹور کے تیسرے بنگلور ٹیسٹ کا احوال بیان کرتے ہوئے کہا کہ آنجہانی کوچ باب وولمر دوسری اننگز جلد ڈیکلیئرڈکرنے کے فیصلے سے خوش نہیں تھے مگر میں نے انھیں غلط ثابت کیا۔

یاد رہے کہ پاکستان نے  پہلی اننگز میں یونس خان کی ڈبل سنچری اور انضمام کی سنچری سے تقویت پا کر570 رنز بنائے تھے، جواب میں بھارتی ٹیم 449پر آؤٹ ہوئی،گرین کیپس نے دوسری باری 2 وکٹ پر 261 رنز بنانے کے بعد ڈیکلیئرڈ کردی تھی۔

انضمام نے کہاکہ میں نے وولمر کو پیغام بھیجا کہ میں اننگز ڈیکلیئرڈ کرنا چاہتا ہوں، انھوں نے جواب دیا کہ کپتان اور نائب کو مل کر فیصلہ کرنا چاہیے، میں نے یونس سے کہا وہ راضی ہوگئے، جب میں واپس آیا تو ہیڈ کوچ نے کہا کہ میرے خیال میں آپ کا فیصلہ غلط ہوسکتا ہے، مگر میرا خیال تھا کہ اگر ہم سہواگ کو جلد آؤٹ کرتے ہیں تو میزبان ٹیم دباؤ میں آجائے گی، اگلے روز جب عبدالرزاق نے سہواگ کو رن آؤٹ کیا تو میں نے سوچا کہ اگر رزاق کسی کو رن آؤٹ کرسکتا ہے تو پھر یہ ہمارا دن ہے، میرا اننگز جلد ڈیکلیئر کرنے کا فیصلہ درست ثابت ہوا اور ہم وہ میچ جیت گئے، میرا 100 واں ٹیسٹ میرے لیے بہت  ہی یادگار تھا۔

یہ بھی چیک کریں

یونس خان اور انضمام الحق کو آؤٹ کرنا آسان نہیں ہوتا تھا، ہربحھن سنگھ

ہربحھن سنگھ کا کہنا ہے کہ یونس خان کی بیٹنگ مجھے رلا دیتی تھی سوشل …

انضمام الحق نے جاوید میانداد کو بیٹسمینوں کا ہیرو قرار دیدیا

سابق کپتان انضمام الحق نے جاوید میانداد کو تمام بیٹسمینوں کا ہیرو قرار دے دیا۔ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے