ہوم / کھیل / آل ٹائم ٹی 20 باؤلرز رینکنگ، عمرگل کی ٹاپ پوزیشن

آل ٹائم ٹی 20 باؤلرز رینکنگ، عمرگل کی ٹاپ پوزیشن

 انٹرنیشنل کرکٹ کونسل نے آل ٹائم ٹی ٹونٹی باؤلرز کی رینکنگ جاری کر دی۔ ٹاپ ٹین میں شاہد آفریدی، شاداب خان، عماد وسیم سمیت پانچ پاکستانی کھلاڑی بھی شامل ہیں۔

سابق فاسٹ باؤلر عمر گل 60 میچوں میں 85 وکٹیں لے کر 857 ریٹنگ پوائنٹس کیساتھ سرفہرست ہیں۔ ویسٹ انڈیز کے سیموئل بدری 855 پوائنٹس کے ساتھ دوسری پوزیشن پر ہیں۔ سابق کیوی سپنر ڈینیئل ویٹوری 850 ریٹنگ پوائنٹس لے کر تیسرے نمبر پر رہے۔

ویسٹ انڈین آف سپنر سنیل نارائن 817 پوائنٹس کی بدولت چوتھے، افغان لیگ سپنر راشد خان 816 ریٹنگ کے ساتھ پانچویں نمبر پر ہیں۔ پاکستانی آل راؤنڈر شاہد آفریدی نے 814 پوائنٹس لے کر چھٹی پوزیشن پر قبضہ کر لیا۔

جنوبی افریقی لیگ سپنر عمران طاہر ساتویں نمبر پر فائز ہوئے۔ سابق قومی آف سپنر سعید اجمل 788 ریٹنگ پوائنٹس کے ساتھ آٹھویں پوزیشن پر ہیں۔ آل راؤنڈر عماد وسیم نے 780 ریٹنگ پوائنٹس کی بدولت نویں پوزیشن حاصل کی جبکہ لیگ سپنر شاداب خان کو 769 پوائنٹس کے ساتھ 10 ویں نمبر پر اکتفا کرنا پڑا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے