ہوم / فن فنکار / اقرا عزیز کی ہم شکل دیکھ کر ان کی بہن بھی دھوکا کھا گئیں

اقرا عزیز کی ہم شکل دیکھ کر ان کی بہن بھی دھوکا کھا گئیں

کراچی: سوشل میڈیا پر اداکارہ اقرا عزیز کی ہم شکل نے دھوم مچائی ہوئی ہے یہاں تک کہ اقرا کی ہم شکل دیکھ کر ان کی بہن سدرہ عزیز بھی دنگ رہ گئیں۔

’’سنو چندا‘‘ ،’’رانجھا رانجھا کردی‘‘اور ’’جھوٹی‘‘جیسے ڈراموں میں اداکاری کے جوہر دکھانے والی اداکارہ اقراعزیز کی ہم شکل کی ویڈیو سوشل میڈیا پر وائرل ہورہی ہے اور دونوں میں حیرت انگیز مشابہت نے لوگوں کو حیران کردیا ہے۔

اقرا عزیز کی بہن سدرہ عزیز نے سوشل میڈیا پر ایک ویڈیو شیئر کی ہے جس میں ایک خاتون اور مرد گاڑی میں کسی گانے پر ڈانس کررہے ہیں اور اس خاتون اور اقرا عزیز کی شکل میں بے حد مماثلت پائی جاتی ہے۔ سدرہ عزیز بھی دونوں کو دیکھ کر کنفیوز ہوگئیں اور لکھا ایک منٹ کے لیے میں نے سوچا۔۔۔۔ شاید اس کے آگے وہ لکھنا چاہ رہی تھیں کہ یہ اقرا عزیز ہے۔  لیکن نہیں نہیں یہ تو ایک اور خوبصورت انسان ہے۔

اقراعزیز کی ہم شکل خاتون کا نام نور ہے ان کا تعلق لبنان سے ہے اور پیشے سے وہ آرکیٹیکٹ ہیں۔ جب کہ گاڑی میں ان کے ساتھ ڈانس کرنے والا شخص ان کا منگیتر ہے۔

جب ایک اور صارف نے نوراور اقرا عزیز کی مماثلت کی طرف توجہ دلائی تو لبنانی خاتون نور نے بھی اس پر اپنا ردعمل ظاہر کیا اور ٹوئٹر پر لکھا کہ انہوں نے گوگل پر سرچ کیا ہے، اقراعزیز واقعی بہت خوبصورت ہیں۔ اقرا سے میرا موازنہ کرنے پر آپ کا بے حد شکریہ۔

نور کا مزید کہنا تھا کہ میرا منگیتر بھی اقراکو دیکھ کر حیران رہ گیا اور اقرا کی تصویر دیکھ کر اس کا کہنا تھا کہ میں خفیہ طور پر دوہری زندگی گزار رہی ہوں۔

یہ بھی چیک کریں

عاصم اظہرکا گانا دس کروڑ کلب میں شامل

کراچی: نامور گلوکار عاصم اظہر کے گانے نے یوٹیوب پر دس کروڑ ویوز حاصل کرلیے۔ گلوکار …

لاک ڈاؤن کے دوران بیوٹی پارلر بند ہونے سے اداکاراؤں کے چہرے بدل گئے

کراچی: کورونا وائرس کی وجہ سے ملک بھر میں ہونے والے لاک ڈاؤن کے نتیجے میں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے