ہوم / سائنس اور ٹیکنالوجی / چاند کیلئے ٹوائلٹ ڈیزائن کریں، ناسا سے انعام پائیں

چاند کیلئے ٹوائلٹ ڈیزائن کریں، ناسا سے انعام پائیں

امریکی خلائی ادارے ناسا نے چاند پر کمپیکٹ ٹوائلٹ ڈیزائن کرنے والوں کے لیے  ہزاروں ڈالرز کے انعامات کا اعلان کر دیا۔

ناسا کے مطابق جو شخص مائیکرو گریویٹی اور چاند پر کام کرنے والا  کمپیکٹ ٹوائلٹ ڈیزائن کرے گا اسے 20 ہزار ڈالر کا انعام دیا جائے گا۔

یہ انعام اس شخص کو دیا جائے گا جو سب سے بہترین ٹوائلٹ کا  ڈیزائن بنائے گا جب کہ دوسرے نمبر والے کو 10 ہزار اور تیسرے نمبر والے کو 5 ہزار ڈالر کا انعام دیا جائے گا۔

ناسا نے بتایا کہ اس ٹوائلٹ کا ڈیزائن بنانے کے لیے چند بنیادی اصولوں کو مد نظر رکھتے ہوئے بنانا پڑے گا یعنی ٹوائلٹ کا ڈیزائن 4.2 کیوبک فٹ سے بڑا نہیں ہوسکتا اور نہ ہی اس میں 60 ڈیسیبل سے زیادہ آواز ہونے کی گنجائش ہو۔

ناسا کا کہنا ہے کہ جب خلاباز اپنے کیبن میں موجود ہوتے ہیں تو وہ اپنے اسپیس سوٹس کو اتار دیتے ہیں اور انہیں بھی وہاں بیت الخلا کی ضرورت ہوتی ہے جس میں وہ تمام ضروریات موجود ہوں جو گھروں میں ہوتی ہیں۔

ناسا  کے مطابق ٹوائلٹ ڈیزائن چیلنج کی آخری تاریخ  17 اگست ہے۔ 

یہ بھی چیک کریں

خواتین کا پہلا خلائی مشن: ناسا کی 2 خلاباز خواتین خلائی چہل قدمی کے لیے تیار

واشنگٹن، امریکہ: ناسا نے 29 مارچ کو تاریخ میں پہلی بار صرف عورتوں پر مشتمل …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے