ہوم / دلچسپ و عجیب / جنوبی افریقی شخص دو ماہ سے ہوا میں معلق ڈرم میں رہائش پذیر

جنوبی افریقی شخص دو ماہ سے ہوا میں معلق ڈرم میں رہائش پذیر

جنوبی افریقا: جنوبی افریقا کے ایک مہم جو نے فضا میں رہنے کا اپنا ہی ریکارڈ توڑنے کے لیے ایک ڈرم میں رہنا شروع کردیا تاحال انہیں دو ماہ گزر چکے ہیں۔

افریقی میڈیا کے مطابق  مہم جو ورنن کروگر نے زمین سے 25 میٹر بلندی پر ایک کھمبا گاڑا جس پر پانی کا ایک پیپا (بیرل) ٹکا دیا، ورنن مسلسل دو ماہ سے اس میں رہائش پذیر ہیں اور کئی برس قبل قائم اپنا ہی ریکارڈ توڑنے میں کوشاں ہیں۔ وہ 14 نومبر سے وہیں موجود ہیں۔ یہ ڈرم اتنا تنگ ہے کہ وہ مشکل سے ہی اس میں سماسکتے ہیں لیکن ساری تکلیف اپنا ہی ایک ریکارڈ توڑنے کے لیے کر رہے ہیں بس چند دن بعد وہ اپنا ریکارڈ برابر کردیں گے اور 1997ء میں قائم اپنا ہی ریکارڈ توڑیں گے اور یوں وہ دوبارہ گنیز بک آف ورلڈ ریکارڈ میں اپنا نام شامل کرواسکیں گے۔

مہم جو ورنن کروگر کے لیے اب شراب کا یہ ڈرم ہی رہائشی کمرا ہے جہاں وہ مشکل سے رہتے ہیں اور جگہ کی تنگی کے سبب دن بھر انہیں ہڈیوں اور کمر کے درد کا سامنا رہتا ہے اس لیے کہ وہ سوتے وقت ہاتھ پاؤں تک نہیں پھیلا سکتے۔

کروگر نے بتایا کہ ڈرم میں بیٹھنا آسان ہے لیکن اتنی تنگی میں سونا بہت مشکل ہے،‘ ورنن کروگر کے مطابق انہیں عین اس پوزیشن میں سونا پڑتا ہے جیسے ماں کے پیٹ میں بچہ سکڑی ہوئی پوزیشن میں ہوتا ہے، وہ رفع حاجت بھی وہیں کرتے ہیں جو ایک سوراخ سے پھسل کر پائپ کے ذریعے نیچے اترجاتی ہے، نیچے موجود ان کی ٹیم انہیں پانی اور کھانا ایک بالٹی کے ذریعے اوپر پہنچاتی ہے۔

کروگر کو اس کا خیال چھٹیوں میں اس وقت آیا جب وہ پام کے درخت پر چڑھ کر بیٹھے تھے۔ ورنن نے سوچا کیا کوئی اونچے مقام پر کسی ڈبے میں بیٹھ کر وقت گزار سکتا ہے؟ اس سے قبل انڈونیشیا میں یہ ریکارڈ قائم ہوا تھا۔

قبل ازیں وہ ایسے ہی ڈرم میں بیٹھنے کا 54 روزہ ریکارڈ قائم کرچکے ہیں۔ اس بار وہ ڈرم میں بیٹھنے کا 67 روزہ ریکارڈ قائم کرنا چاہتے ہیں۔

یہ بھی چیک کریں

پاکستان اور سری لنکا کے درمیان پہلا ٹیسٹ ڈرا ہونے کے قوی امکانات

پاکستان اور سری لنکا کے درمیان راولپنڈی کے انٹرنیشنل اسٹیڈیم میں کھیلے جانے والا ٹیست …

وزیراعظم کی شاندار تقریرکے بعد طیب اردگان نے انکا بوسہ لے لیا، ویڈیو سوشل میڈیا پروائرل

لاہور… وزیراعظم پاکستان عمران خان کی اقوام متحدہ کی جنرل اسمبلی کے اجلاس میں کی …

امریکی کانگریس میں بھارتی کاکس کے چئیرمین کا مودی کے استقبالیہ میں جانے سے انکار ، پاکستانی کاکس کی چئیرپرسن استقبال کرنے والوں میں شامل ، استقبالیہ سے ٹرمپ بھی خطاب کریں گے

رپورٹ آفاق فاروقی کیلی فورنیا … ڈیموریٹک کانگریس مین اور کانگریس میں ساؤتھ ایشیا امور …

علی ظفر کی پی ایس ایل کے نئے گانے کیلئے مداحوں سے ویڈیو بنانے کی دعوت

کراچی: علی ظفر نے مداحوں کو پی ایس ایل کے لیے بنائے گانے پر وڈیو بناکر …

عمران خان کو ووٹ دینے پر غلط ثابت ہوا تو معافی مانگ لوں گا، فرحان سعید

کراچی: گلوکار و اداکار فرحان سعید نے کہا ہے کہ اگر عمران خان کو ووٹ دینے …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے